क युनिकोड मिति रूपान्तरण
ट्रेण्डिङ
1 पत्रकार महिला लेखनवृत्ति प्रतियोगिता सम्पन्न, बिमला चौधरीको स्टोरी प्रथम । 2 “मानसिक स्वास्थ्यलाई शारीरिक स्वास्थ्यसरह महत्त्व दिनुपर्छ” : डा. अरुण उप्रेती । 3 लालपुर्जाले दिएको खुसी: राप्तीसोनारीका १० भूमिहीन परिवारले पाए जग्गाधनी प्रमाणपुर्जा 4 मिसन ८४’ को चर्चासँगै नेपालगन्जको मेयरमा मोहित शाहको नाम चर्चामा । 5 नेपाली कांग्रेस लुम्बिनी प्रदेशको महिला महामन्त्रीमा अन्जना पाण्डेको उम्मेदवारी । 6 सुदूरपश्चिम प्रदेश अधिवेशनको उद्घाटन देउवाले गर्ने। 7 यी हुन् कावासोती बस दुर्घटनाका घाइतेहरू । 8 बाँके क्षेत्र नं। १ को समग्र विकासका लागि सांसद चौधरीसहितको टोलीद्वारा विभिन्न क्षेत्रको अवलोकन ।

काेहलपुर,बाँके: ​बाँके जिल्लाका ८ स्थानीय तहहरूमध्ये कार्यसम्पादन मूल्याङ्कनमा खजुरा गाउँपालिका ७१.९९ प्रतिशत अंक प्राप्त गर्दै जिल्लाकै पहिलो बन्न सफल भएको छ। स्थानीय सरकारले गर्ने सेवा प्रवाह, वित्तीय सुशासन र योजना कार्यान्वयनका विभिन्न सूचकहरूमा खजुराले अन्य सात पालिकालाई पछि पार्दै आफूलाई अब्बल सावित गरेको हो।

खजुराको यो ऐतिहासिक सफलतालाई पालिकाको राजनीतिक र प्रशासनिक नेतृत्वले ‘सामूहिक प्रयास र इमान्दारिता’ को परिणामको रूपमा व्याख्या गरेका छन ।

“सुशासन र विकासको एजेण्डा सफल”

गाँउपालिका ​अध्यक्ष डम्बर बहादुर विकले यस उपलब्धिलाई खजुरावासीको जीतका रूपमा चित्रण गरेका छन । उनले भने, “हामीले निर्वाचनका बेला गरेका प्रतिबद्धता र जनतालाई केन्द्रमा राखेर गरिएका कामहरूको प्रतिफल आज देखिएको छ। जिल्लामै पहिलो हुनुले हामीलाई थप जिम्मेवार बनाएको छ।”

त्यस्तै, उपाध्यक्ष मन्जु मल्लले योजनाहरूको प्रभावकारी अनुगमन र लक्षित वर्गको कार्यक्रममा पारदर्शीता अपनाइएकाले यो सफलता सम्भव भएको बताईन । “हामीले विकास निर्माणमा गुणस्तर र बजेटको सही सदुपयोगमा कुनै सम्झौता गरेनौँ, त्यसैको नतिजा आज स्कोरमा देखिएको हो,” उनले भनिन ।

​प्रशासनिक तर्फबाट नेतृत्व गरिरहेका प्रमुख प्रशासकीय अधिकृत दिल बहादुर पौडेलले कर्मचारीहरूको मेहेनत र राजनीतिक नेतृत्वसँगको उत्कृष्ट समन्वयलाई श्रेय दिए । उनले भने, “प्रशासनिक सुशासन र समयमै काम सम्पन्न गर्ने कार्यसंस्कृतिको विकासले खजुरालाई यो उचाइमा पुर्‍याएको हो।”

यस्तै, वरिष्ठ लेखा अधिकृतले वित्तीय अनुशासनका बारेमा बोल्दै भने, “हामीले बेरुजु न्यूनीकरण र बजेटको मितव्ययी प्रयोगमा शून्य सहनशीलता अपनाएका थियौँ। आर्थिक पारदर्शिता नै हाम्रो सफलताको मुख्य कडी हो।”

प्रतिक्रिया
सम्बन्धित खवर
ताजा समाचार
लोकप्रिय